Darjeeling Prime Time

  अवकाश प्राप्त निर्देशक सोनाम लेप्चालाई विदाई अबको जीवन समाज-जातिमा शिक्षा र राजनैतिक चेतनाको विकास गरेर  बिताउनेछुः सोनाम लेप्चा गान्तोक: सिक्किम सरकारको शिक्षा विभागको भाषा तता पाठ्य पुस्तक निर्देशकको पदबाट अवकाश लिएका सोनाम लेप्चालाई उनको पुर्खेउली माटो जङ्गुले सम्झना गर्दै पासिङदाङ खण्ड प्रशासन केन्द्रमा भव्य विदाई कार्यक्रम आयोजन गऱ्यो। उनले विशेष रूपमा उत्तर सिक्किममा शिक्षाको विकासमा पुऱ्याएको योगदानको मुग्धकण्ठले प्रशंसा गर्दै जङ्गुका शिक्षा विभागका परिवारले सम्मान जनाएर भविष्यमा पनि उनको दिशा निर्देश र आर्शिवादको आशा साचेका छन्।  शिक्षा विभागका उपनिर्देशक टीएन लेप्चाको नेतृत्वमा शिक्षा विभाग अधिनस्थ विभिन्न सरकारी पाठशालाका प्रधानाचार्य , शिक्षक , शिक्षिका र विद्यार्थीहरूको बाक्लो उपस्थितिमा मुख्य अतिथिको रूपमा उपस्थित पूर्वनिर्देशक सोनाम लेप्चाले अबको जीवन गाउँ समाज जातिमा शिक्षा र राजनैतिक चेतनाको विकास गरेर   बिताउने बताए। उनले आफ्नो सम्बोधनमा आफ्ना समुदायको निम्ति सोच्नु जातिवादी नहुने बताउँदै सबैले आफ्नो जातिको शिक्षा र राजनैतिक चेतनाको निम्ति सोचेर ...

  नेपाली संसारमा थपियो साहित्यकार अम्बर सुब्बाको  कृत दुई वटा नयाँ कृति सोनादा: सुपरिचित साहित्यकार अम्बर सुब्बाका दुई वटा ‘आहत अवधारणा ‘ र ‘दार्जीलिङका चियाबारीहरू भित्रका मानिसहरूका जीवनशैली’ आज सोनादा , शान्तिबजारस्थित उनकै निजी वासस्थानमा लोकार्पण गरियो। समारोहमा सोनादा साहित्य संस्थानका उपाध्यक्षद्वय जे के राई , जइन्द्र जेनियम , साहित्यकारहरू बुद्ध सङ्गम , राजेन्द्र पासा , एनबी तोया , रामराज राई भीम क्षमित , समाजसेवक रबिन सुब्बा आदिको उपस्थिति रहेको थियो। कवि अम्बर   सुब्बाले यस भन्दा अघि ‘आवर्त बिन्दु’ , ’अर्धवृत्त’ , ‘दार्जीलिङका चिया र चियाबारी’ जस्ता उत्कृष्ट कृतिहरू नेपाल संसारमा दिइसकेका छन्। उनको दार्जीलिङका चियाबारी सम्बन्धित तक्निकी विषयलाई   लिएर लेखिएको पुस्तक निक्कै   महत्वपूर्ण छ। आज विमोचन भएको ‘दार्जीलिङका चियाबारीहरूभित्रका मानिसहरूको जीवनशैली’ पुस्तकमा पनि यसै परिप्रेक्ष्यमा   एक उल्लेखनीय पु्स्तक रहेको विचार उपस्थित साहित्यकाररूले बताए। सोनादा साहित्य संस्थानका मूलसचिव नरेश कटुवालद्वारा सञ्चालन गरिएको पारिवारिक तौरको सौहार्दपूर...

  नयाँ पुस्ताका प्रगतिशील पत्रकार हनोक थापा   देवर्षी नारद सम्मानद्वारा सम्मानित खरसाङ: नयाँ पुस्ताका प्रगतिशील पत्रकार हनोक थापा आज देवर्षी नारद सम्मानद्वारा सम्मानित भएका छन्l विश्व संवाद मंच खरसाङद्वारा आयोजित देवर्षी नारदको जन्म जयन्तीको अवसरमा गोर्खा जन पुस्तकालयमा आयोजित भव्य समारोहमा उनलाई सम्मान गरिएको होl आज सम्मान समारोहको कार्यक्रम खरसाङका सुपरिचित समाज सेवक टी टी लामाको अध्यक्षतामा   भएको थियो भने आकाशवाणी खरसाङ केन्द्रका कार्यक्रम प्रमुख पारसचन्द्र आले   मुख्य अतिथिका रुपमा उपस्थित थिएl आकाशवाणी खरसाङका समाचार वाचकद्वय तथा सुपरिचित उद्घोषक विश्व सुब्बा र सबिता छेत्रीद्वारा संचालित कार्यक्रममा आरएसएस उत्तर बंगालका प्रभारी समीर घोष, प० केशव मिश्र   तीनधारे उच्चतर माध्यमिक विद्यालयका पूर्वशिक्षक टिकादत्त गिरी, राजु शर्मा विशिष्ट अतिथिका रुपमा उपस्थित थिएl कृपा मिश्र अनि समूहद्वारा प्रस्तुत गरिएको सरस्वती वन्दनाबाट कार्यक्रम शुभारम्भ गरियोl बालिका अर्नवी चौरसियाले देवर्षी नारदको पाठबाट आवृत्ति प्रस्तुत गरिन्l     कार्यक्रमका अध्यक्ष टी टी लाम...

  गान्तोकको नजिकै याली आरक्षित वनमा भेटियो बाघ,  क्यामेरा ट्र्यापमा पऱ्यो रोयल बेङ्गल टाइगर गान्तोक: सिक्किमको राजधानी गान्तोकको नजिकै याली गाउँको मास्तिर भेटियो बाघ। पाङ्गोलाखा वन्य प्राणी अभरण्यमा पर्ने लगभग २९ सय मिटरको उच्चाईमा रहेको याली आरक्षी वनमा वन विभागले ग्लोबल टाइगर फोरम (जीटीएफ) र अन्य दातृ संस्थाहरूको सहकार्यमा लगाएको क्यामेरा ट्रयापमा बाघको नक्सा आयोl यसपछि याली क्षेत्र र पर्यवारणको निम्ति चर्चित सिक्किमको वन विभागको चर्चा चुलिएको छ। रोयल बेङ्गल टाइगर (बाघ)को फोटो स्पष्ट रूपमा खिचिएको छ। वन विभागले अहिलेसम्म यसबारे कुनै आधिकारिक बयान जारी गरेर खबरको पुष्टि नगरे पनि विभागसित सहकार्य गरिरहेको ग्लोबल टाइगर फोरमले गत २१ मईको दिन जीटीएफको आधिकारीक एक्स हेण्डलमा यसको जानकारी दिएका छन्। यसैगरि ‘हाम्रो खबर’लाई प्राप्त केही फोटोहरूमा पनि स्वास्थ्य बाघको फोटो स्पष्ट देखिएको छ। वन तथा पर्यावरण   विभाग , सिक्किम सरकार र ग्लोबल टाइगर फोरम (जीटीएफ) , आईयुसीएन केएफडब्लुको समर्थनमा चलिरहेको परियोजना अन्तर्गत क्यामेरा ट्र्यापहरूले , पाङ्गोलाखा वन्य जीवन उद्यानको याली रिजर्...

  आर्टिफिसियल इन्टेलिजेन्सको युगमा दूरदर्शनको प्रवेश दूरदर्शन किसानले २६ मई २०२४ मा शुरु गर्नेछ दुई एआई एंकर एआई कृष र एआई भूमि भारत र विदेशका ५० भाषामा बोल्न सक्छन् एआई एंकर नयाँ दिल्ली: दूरदर्शनले अर्को कोसेढुङ्गा हासिल गर्न गइरहेको छ, किनकि नौ वर्षको अपार सफलता पछि , डीडी किसान २६ मई २०२४ मा भारतका किसानहरूका लागि नयाँ रूप र नयाँ शैलीमा आउँदैछ। जहाँ च्यानलको प्रस्तुति नयाँ शैलीमा हुनेभएको छ। आर्टिफिसियल इन्टेलिजेन्सको यो युगमा यो देशको पहिलो सरकारी टीभी च्यानल बन्न गइरहेको छ, जहाँ सबैको नजर एआई एन्करमा हुनेछ। दूरदर्शन किसानले दुई एआई एन्कर एआई कृष र एआई भूमि लन्च गर्दैछ। यी समाचार एन्करहरू कम्प्यूटर हुन् , जुन ठ्याक्कै मानिसजस्तै छन् र मानिसहरूले जस्तै काम गर्न सक्छन्। यी एन्करहरूले २४ घण्टा र ३६५ दिन नरोक वा थकित नभई समाचार पढ्न सक्छन्। किसान दर्शकहरूले तिनीहरूलाई कश्मीरदेखि तमिलनाडु र गुजरातदेखि अरुणाचल प्रदेशसम्म देशका सबै राज्यहरूमा हेर्न सक्षम हुनेछन्। यी एआई एन्करहरूले देश र विदेशमा भइरहेको कृषि अनुसन्धान , अन्नबजारको उथलपुथल वा मौसममा आएको परिवर्तनका बारेमा आवश्यक स...

  गोकुल सिन्हाको अंग्रेजी पुस्तक ‘ द रङबुल धाम ’ विमोचन दार्जीलिङ: भारतमा जोसमणी सन्त परम्परा र नेपाली साहित्यको उद्भव स्थान रङबुल स्थित रङबुल धाम हो भन्ने कुरामा सबै विद्वान्‌हरू एक मत छन्।   यसै धाममा बसेर गुरु ज्ञानदिलदासले दार्जीलिङ , सिक्किम , असम र भुटानसम्मका अनुयायीहरूलाई दीक्षा दिई ती ठाउँहरूमा जोसमनी धर्मको प्रचार गरेका हुन् र साथै भारतमा सबैभन्दा पहिले काव्य र भजनहरू लेखी नेपाली साहित्यको पनि जग बसालेका हुन्। रङबुल धाम र ज्ञानदिलदासलाई लिएर अंग्रेजी लेखिएको ‘ द रङबुल धाम ’ पुस्तकको आज वैशाखी पूर्णिमाको दिन रङबुल धाममा साधु-सन्तहरूद्वारा वर्षेनी पालन गरिने भण्डाराको शुभ उपलक्ष्यमा विमोचन गरियो। कार्यक्रममा धामका महन्त हरिदास , ओकाइटी मिरिकका गुरु निर्मलदास , रङबुल निवासी दिव्यतम सुब्बा , पञ्चनन वर्मा युनिभर्सिटी कोचबिहारका अंग्रेजी विभागीय प्रमुख प्रो. जयिता सेनगुप्त , जाकिर हुसेन कलेज दिल्ली विश्वविद्यालयकी प्रो. नम्रता चतुर्वेदी   साथै लेखक स्वयम् र अन्य मान्यजनका बाहुलीबाट विमोचन गरियो। यस पुस्तकको प्रकाशन पाइन्स प्रकाशनको पक्षमा डा. समर सिन्हा , सिक्किम विश्...

संगीतकार दीप वाइबा सञ्जीवनी परिवारद्वारा सम्मानित दार्जीलिङ: कलाकार वर्ग , सञ्जीवनी नाट्य अनि संगीत समूह दार्जीलिङको आयोजनामा वरिष्ठ कलाकारहरूमा गृह सम्मानद्वारा सम्मानित गर्ने कार्य आरम्भ भइसकेको छ। यसै क्रममा सञ्जीवनी परिवारले आफ्नो स्थापना कालदेखि नै विभिन्न क्षेत्रका वरिष्ठ कलाकारहरूमा सम्मान जनाउँदै आइरहेको छ। यसै क्रममा सर्वप्रथम दार्जीलिङका वरिष्ठ अभिनेत्री बिमला सुब्बा , वरिष्ठ नाटककार अभिनय कलाकार ,  गीतकार पी. अर्जुन , वरिष्ठ संगीतज्ञ मणिकमल क्षेत्री आदिलाई सञ्जीवनी परिवारले सम्मान जनाइसकेको छl यसै सन्दर्भमा बिहीबार (२३ मई) कलाकारवर्ग सञ्जीवनी नाट्य अनि संगीत समूह दार्जीलिङको आयोजनामा दार्जीलिङकै वरिष्ठ संगीतकार दीप वाइबालाई गृह सम्मानद्वारा सम्मानित गरिएको छ। उक्त कार्यक्रममा सम्मानित व्यक्तित्व दीप वाइबा साथै उनका धर्मपत्नी सुषमा वाइबा अनि परिवारको विशेष उपस्थितिमा कार्यक्रम सम्पन्न गरियो। पत्रकार सविता संकल्पद्वारा सञ्चालन गरिएको यस कार्यक्रममा आयोजक समितिको पक्षबाट मेनुका प्रधान , मरियमित लेप्चा ,   कमला लेप्चा , शान्ता गुरुङ , डेजी बराइली , चन्दन लम्जेल , निर...