-

संगीतकार दीप वाइबा सञ्जीवनी परिवारद्वारा सम्मानित

दार्जीलिङ: कलाकार वर्ग, सञ्जीवनी नाट्य अनि संगीत समूह दार्जीलिङको आयोजनामा वरिष्ठ कलाकारहरूमा गृह सम्मानद्वारा सम्मानित गर्ने कार्य आरम्भ भइसकेको छ। यसै क्रममा सञ्जीवनी परिवारले आफ्नो स्थापना कालदेखि नै विभिन्न क्षेत्रका वरिष्ठ कलाकारहरूमा सम्मान जनाउँदै आइरहेको छ। यसै क्रममा सर्वप्रथम दार्जीलिङका वरिष्ठ अभिनेत्री बिमला सुब्बा, वरिष्ठ नाटककार अभिनय कलाकार,  गीतकार पी. अर्जुन, वरिष्ठ संगीतज्ञ मणिकमल क्षेत्री आदिलाई सञ्जीवनी परिवारले सम्मान जनाइसकेको छl यसै सन्दर्भमा बिहीबार (२३ मई) कलाकारवर्ग सञ्जीवनी नाट्य अनि संगीत समूह दार्जीलिङको आयोजनामा दार्जीलिङकै वरिष्ठ संगीतकार दीप वाइबालाई गृह सम्मानद्वारा सम्मानित गरिएको छ। उक्त कार्यक्रममा सम्मानित व्यक्तित्व दीप वाइबा साथै उनका धर्मपत्नी सुषमा वाइबा अनि परिवारको विशेष उपस्थितिमा कार्यक्रम सम्पन्न गरियो।

पत्रकार सविता संकल्पद्वारा सञ्चालन गरिएको यस कार्यक्रममा आयोजक समितिको पक्षबाट मेनुका प्रधान, मरियमित लेप्चा,  कमला लेप्चा, शान्ता गुरुङ, डेजी बराइली, चन्दन लम्जेल, निरकुमार बम्जनको उपस्थितिमा कार्यक्रमको आरम्भ गरियो। आरम्भमा मेनुका प्रधानद्वारा आयोजक समितिको परिचयलाई प्रकाश पारेपछि कमला लेप्चाद्वारा सम्मानपत्र पठन गरेपछि मेनुका प्रधान अनि मरियममित लेप्चाको बाहुलीबाट उक्त सम्मानपत्र प्रदान गरियो। यसैगरी मेनुका प्रधानद्वारा टोकन अफ लभ साथै स्मृति चिन्ह पठन गरिएपछि निरकुमार बम्जन अनि चन्दन लम्जेलको बाहुलीबाट उक्त स्मृति चिन्ह प्रदान गरियो। आयोजकको पक्षबाट सम्मानित दीप वाइबा उनकी आमा साथै श्रीमती सुषमा वाइबाप्रति श्रद्धापर्ण जनाइयो। सम्मान कार्यक्रमपछि संगीतकार चन्दन लम्जेलले संगीतकार दीप वाइबा माथि आफ्नो सारगर्भित मन्तव्य राख्दै उनले कालान्तरमा गरेका सांगीतिक गतिविधिको विषयबारे चर्चा गर्दै उनको योगदानबारे चर्चा परिचर्चा गरे। मन्तव्यकै क्रममा मरियमित लेप्चाले उनका श्रीमान तथा संगीतकार, सर्जक, बाध्यवादक मनबहादुर राईले संगीतकार दीप वाइबा लगायत अन्य कलाकारहरूको साथमा १९८६ को आन्दोलन कालमा गरिएका अविस्मरणीय क्षणहरुबारे बताए। यसको साथै उनले अन्य विभिन्न सांगीतिक विषयहरू बारे सबैलाई बताए। संगीतकार दीप वाइबाका सांगीतिक जीवनको आरम्भदेखि आजपर्यन्तका गीतहरूबारे चर्चा गर्दै उनकै संगीतमा आधारित गीतहरुलाई चन्दन लम्जेल अनि डेजी बराइलीको साथमा उपस्थित सम्पूर्ण समूहले गीतहरू प्रस्तुत गरे। कार्यक्रमको अन्तिम चरणमा दीप वाइबाका धर्मपत्नी सुषमा वाइबाले सबैप्रति आभात व्यक्त गर्दै दीप वाइबाका सांगीतिक जीवनको विषयबारे संक्षेपमा मन्तव्य राख्दै धन्यवाद गरेपछि कार्यक्रमको समापन गरियो।   


Comments

Post a Comment

Popular posts from this blog

-
Image
गजबका सूर्यमणि: संस्कृति संरक्षण गर्न घरैमा बनाए संग्राहलय सञ्जय प्रधान-  ‘रक रक एनी बडी रक, सासु भन्छे बुहारी...सिङमाङमा राखेको कसले खायो घीऊ...’ बच्चा   बेलामा निक्कै सुनेको यो गीत सूर्यमणि प्रधानको ‘सुसीता संग्रहालय’मा सिङमाङ देख्दा झल्झल्ती सम्झना आयोl केही काम विशेषले दार्जीलिङको हरिदास हट्टा स्थित उनको घरमा गएको थिएँl केही सामाजिक, प्रतिष्ठित व्यक्तिहरूका बारेमा कुरा हुँदाहुँदै   सुर्यमणि प्रधानले भने, ‘अहिले माथिल्लो तलामा म तपाईंलाई केही देखाउँछु हैl’ उनले यति भने पछि मेरो सबै ध्यान माथिल्लो तलामा नै केन्द्रित हुन थाल्योl माथिल्लो तलामा के रहेछ भन्ने बारेमा मभित्र कौतुहल जाग्न थाल्यो, अनि मन भित्र छटपटी   हुन थाल्योl केही बेरमै उनले मलाई माथिल्लो तलामा लगेl माथिल्लो तलाको छतमा छुट्टै रुपमा राम्रो गुणस्तरको छानाले बनाइएका घरको मूल दैलोमा लेखिएको   ‘सुसीता संग्राहलय’ देख्दा अलिक उदेक लाग्यो ‘घरमा संग्राहलय?’ मनमा प्रश्न उप्ज्योl भित्र पसेर हेर्दा चकित परेl कारण त्यहाँ सिङ्गो नेपाली संसार देखेl मेरो आँखा सिङमाङमा पर्दा उही गीत ‘सिङमाङमा राखेको कसले खायो घ...
Read more
-
Image
चलचित्र ‘ मैना ’ निर्माण गर्ने घोषणा काठमाडौं : चलचित्र ‘ मैना ’ निर्माण गर्ने घोषणा गरिएको छ। राजेन्द्र ढकाल (राहुल)ले चलचित्र ‘ मैना ’ निर्माणको घोषणा गरेका हुन्। चलचित्रको थिम पोस्टर सार्वजनिक गरिएको छ। थिम पोस्टरले क्राइम थ्रिलर सिनेमाको संकेत गरेको छ। यस चलचित्रलाई चन्द्र कुमार भट्टराईले निर्देशन गर्नेछन्। यो उनको डेब्यु निर्देशकीय सिनेमा हो। भट्टराईले यसअघि समर लभ , मारूनी , राजा रानी , सेतो बाघ लागायत एक दर्जन सिनेमामा मुख्य सहायक निर्देशनको रुपमा काम गरिसकेका छन्। सुस्मिता फिल्मसको प्रस्तुति रहने चलचित्रको कथा गोविन्द मल्लले लेखेका छन्। चलचित्रमा राजेन्द्र ढकाल (राहुल) र विनिता शर्माको लगानी रहनेछ। सहनिर्मातामा रेनु शर्मा र सुस्मा खतिवडा रहनेछन्। थिम पोस्टरले शान्त समाजभित्र अचानक आउने उथलपुथलमा आधारित कथा रहने संकेत गरेको छ। चलचित्रको छायांकन भदौबाट शुरु गरिने निर्माणपक्षले जानकारी गराएको छ। चलचित्रमा को - को कलाकार रहनेछन् भन्ने निर्माणपक्षले खुलाएको छैन। निर्देशक भट्टराईले केही समयपछि कलाकारबारे जानकारी दिने बताए। सिनेमाको नाम अनुसार , चलचित्रको मुख्य भूमिकामा महिल...
Read more
-
Image
  १३१औँ जन्म जयन्तीमा सिक्किमका ११औँ छोग्याल सर टासी नामग्यालको प्रतिमा अनावरण गान्तोक: सिक्किमका ११औं छोग्याल   सर टासी नामग्यालको १३१औँ जन्म जयन्तीमा उनीद्वारा स्थापित टासी नामग्याल हायर सेकेण्डरी स्कूल (टीएनएसएसएस) को परिसरमा अर्धकद् प्रतिमा स्थापना गरेर अनावरण गरेर उनलाई श्रद्धार्पण गरिएको छ। कार्यक्रममा सिक्किम सरकारका पीएचई तथा धर्म विभागका मन्त्री सोनाम लामा मुख्य अतिथिको रूपमा उपस्थित थिए भने पाठशालाका पूर्व विद्यार्थीसमेत रहेका शहरी विकास तथा आवास   मन्त्री अरुण उप्रेती ,   शिक्षा मन्त्री राजु बस्नेत , मुख्यमन्त्रीका सल्लाहकार केएन लेप्चा र राजाकी नातिनी तथा राजकुमारी होप लिजुम नामग्याललगायत भूतपूर्व विद्यार्थी तथा सिक्किम सरकारका पूर्व मन्त्री विधायक सरकारी उच्च पदाधिकारीगणको बाक्लो उपस्थिति रहेको थियो।  कार्यक्रममा पूर्वराजाको शालिकको उद्घाटन गरिए पछि भूतपूर्व विद्यार्थीहरूको सम्मिलनको कार्यक्रम रहेको थियो।   राजा तथा विद्यालयका संस्थापक टासी नामग्यालको १३१ औँ जन्मजयन्तीका अवसरमा (टीएनएसएसए) को पूर्व विद्यार्थी संगठन टिनाइट्सले शालिक उद्घाटन तथा ...
Read more