एनआईटी सिक्किमद्वारा ७औँ दीक्षान्त समारोह पालन

कार्यक्रममा सिक्किमका राज्यपाल मुख्य अतिथिको रूपमा सहभागी

गान्तोक: नेशनल इन्स्टिच्युट अफ् टेक्नोलोजी सिक्किमले आज आफ्नो सातौँ दीक्षान्त समारोहको आयोजना गर्यो, बुद्ध पार्क, राभाङ्लामा धेरै विशिष्ट अतिथिहरूको उपस्थितिमा पालन गरेको छ। कार्यक्रममा सिक्किमका राज्यपाल ओम प्रकाश माथुर मुख्य अतिथिको रूपमा उपस्थित थिए भने आसाम विश्वविद्यालयका कुलपति रिटायर्ड एयर फिल्ड मार्शल अरुप राहाले विशिष्ट अतिथिको रूपमा उपस्थित थिए। 

समारोहको अध्यक्षता रमेश कुमार सरावगी, बोर्ड अफ् गभर्नर्स, एनआईटी सिक्किमका अध्यक्षले गरेका थिए। ओम प्रकाश माथुरले भेलालाई सम्बोधन गर्दै नयाँ स्नातकहरूलाई नवप्रवर्तन, उद्यमशीलता र अनुसन्धानको भावनाका साथ विक्षित भारत २०४७ मा योगदान दिन प्रेरित गरे। उनले आफ्नो विश्वासलाई कायम राख्न आत्म-विश्वास, अखण्डता र साहसको महत्त्वलाई जोड दिए।

प्रतिष्ठानका निर्देशक प्रोफेसर महेशचन्द्र गोभिलले गत वर्षको प्रगति र आगामी तीन चार वर्षभित्र खामदोङको डुङडुङमा स्थायी क्याम्पस बनाउने प्रत्याशित लगायत भावी योजनाको प्रतिवेदन प्रस्तुत गरेका थिए। सरोगीले भारतको समृद्ध विरासतलाई प्रकाश पार्दै स्नातकहरूलाई राष्ट्रको ऐतिहासिक उपलब्धिहरूलाई सम्झँदै विज्ञान र प्रविधिमा अर्थपूर्ण योगदान दिन आग्रह गरे।

अरूप राहाले इमानदारिताको मूल्यको बारेमा कुरा गर्दै स्नातकहरूलाई राष्ट्रको हितलाई प्राथमिकता दिन प्रोत्साहित गर्नुभयो। डीलिट डिग्रीबाट सम्मानित प्रख्यात वकिल नन्द गोपाल खेतानले राष्ट्रको भविष्य र यसको विकासमा आजका स्नातकहरूको महत्त्वपूर्ण भूमिकाको लागि आफ्नो आशावादी दृष्टिकोण साझा गरे।

संस्थानले १४४ बीटेक डिग्री, १  एम.टेक डिग्री, ९ एमएससी. डिग्री, १ पोस्ट ग्रेजुएट डिप्लोमा, र ४ पीएचडी डिग्री प्रदान गरेको छ। इन्स्टिट्युटको स्वर्ण पदक अनिरुद्ध घिल्डियाललाई प्रदान गरिएको थियो भने निर्देशकको स्वर्ण पदक दुवै इलेक्ट्रोनिक्स तथा सञ्चार इञ्जिनियरिङ विभागका अर्पित पललाई प्रदान गरिएको थियो। विभिन्न क्षेत्रमा उत्कृष्ट शैक्षिक उपलब्धिको कदर गर्दै छ विभागीय स्वर्ण पदक समेत प्रदान गरिएको थियो। -पीआईबी