भारतीय सेनाद्वारा ह्वाइट वाटर ऱ्याफ्टिङ अभियान सञ्चालन

गान्तोक: भारतीय सेनाको रेजिमेन्ट अफ आर्टिलरी, आर्मी एडभेन्चर विङको सहयोगमा देशका सबै राफ्टेबल नदीहरू कभर गर्ने व्हाइट वाटर ऱ्याफ्टिङ अभियानहरूको शृंखला सञ्चालन गर्न यात्रा शुरु गरेको छ। यी अभियानहरू २८ सेप्टेम्बर २०२६ मा मनाइने आर्टिलरीको रेजिमेन्टको द्विशतवार्षिकीसम्म सञ्चालन गरिनेछ।

२५ मईदेखि ५ जून २०२४ सम्मको रोमाञ्चक यात्रा पछि शृङ्खलाको पहिलो आरोहण विजयी रूपमा सम्पन्न भयो। मन्दाकिनी, अलकनन्दा, भागीरथी र गंगा नदीहरूको चुनौतीपूर्ण पानीहरूलाई पार गर्दै यो अभियान ऋषिकेश-देवप्रयाग-रुयप्रयाग-श्रीनगरमा ६ चरणहरूमा फैलिएको थियो। 

यस यात्राले करिब तीन सय किलोमिटरको दूरी समेटेको छ। लेफ्टिनेन्ट कर्णेल बीएन झा नेतृत्वको उक्त अभियानका लागि टोलीमा दुई जना अधिकृत, एक जना जेसीओ र २१ जना अन्य श्रेणीका अधिकारीहरू थिए। रुद्रप्रयागबाट शुरु भएको यो यात्रा ऋषिकेशको वीर भद्र ब्यारेजमा टुङ्गिएको थियो।

यस अभियानको मुख्य उद्देश्य सेवारत कर्मचारीहरूमा हौसला र प्रेरणाको भावना जगाउनु रहेको थियोl उनीहरूलाई उनीहरूको सीमाभन्दा बाहिर बढाउनक लागि प्रोत्साहन दिनु, साहसिक कार्यलाई अँगाल्न र पालनपोषण गर्ने मित्रताको प्रतीक थियो यो अभियान। तीब्र गतिको चुनौतीपूर्ण यात्रा अनि श्वासफुल्ने परिदृश्यहरूमा सहभागीहरूले आफ्नो लचकदार मात्र प्रदर्शन गरेनन्, तर उत्कृष्टता र टोलीको कार्यप्रति भारतीय सेनाको अटल प्रतिबद्धता पनि प्रदर्शन गरे।

भारतीय सेनाले रेजिमेन्ट अफ आर्टिलरीको अटल सेवा र समर्पणको दुई शताब्दीको सम्झनामा यो उल्लेखनीय उपलब्धि यसको साहस, अनुशासन र एस्प्रिट डी कोर्प्सको लोकाचारको प्रमाणको रूपमा खडा रहेको छ। भारतीय सेना आफ्नो उत्कृष्टताको परम्परालाई निरन्तरता दिन तत्पर रहेको छl –पीआईबी