एनआईटी सिक्किममा उद्यमशीलता र सीप विकासमा पाँच दिने फ्याकल्टी विकास कार्यक्रम

राभाङ्ला (दक्षिण सिक्किम): सिक्किमको उद्यमशीलता विकास केन्द्र र नेशनल इन्स्टिच्युट अफ टेक्नोलोजीको आईएचयुबी स्पोक सेन्टरले उद्यमशीलता र सीप विकासमा पाँच दिने फ्याकल्टी डेभलपमेन्ट प्रोग्राम (एफडीपी) शुरु गरेको छ। उद्घाटन सत्र सोमबार २७ मई आयोजना गरियोl यस कार्यक्रममा एनआईटी सिक्किमका निर्देशक प्रो. एम सी गोभिल र आईआईटी दिल्ली तथा अध्यक्ष बीओजी, एनआईटी हमीरपुरका , मानार्थ प्रो. चन्द्र शेखर उपस्थित थिए। आफ्नो उद्घाटन सम्बोधनमा प्रो. एम सी गोभिलले राष्ट्र निर्माण र आत्मनिर्भरता (आत्मनिर्भर भारत) हासिल गर्न उद्यमीहरूको महत्वपूर्ण भूमिकाबारेमा जोड दिए। प्रा. चन्द्र शेखरले विद्यार्थी र बृहत् समुदायलाई अन्ततः लाभान्वित हुने शिक्षकहरूमा उद्यमशीलताको भावना र सीप विकासमा यसको महत्त्वलाई उजागर गर्दै कार्यक्रमप्रति आफ्नो उत्साह व्यक्त गरे। एफडीपीको संयोजक डा. जय गोपाल गुप्ता र डा. हेमन्त कुमार कथनिया, एनआईटी सिक्किमका सहायक प्राध्यापकहरू हुन्। एक हप्तासम्म चल्ने यो कार्यक्रममा सिक्किमभरिबाट २० जना सहभागी हुनेछन्। उद्घाटन समारोहमा प्राध्यापक, कर्मचारी र पीएचडी शोधार्थीहरुको उपस्थिति रहेको थियो।

कार्यशालाको अवधिमा सहभागीहरूले प्रतिष्ठित विज्ञहरू, सम्मानित शिक्षाविद्हरू र प्रतिष्ठित संस्थान र उद्योगहरूका प्रतिष्ठित उद्योगीहरूबाट अन्तर्दृष्टि प्राप्त गर्नेछन्। डा. मनिष आनन्द, सीईओ, आईएचयुबी आईआईटी रुड्की, डा. जे एस सैनी, पूर्व प्रोफेसर तथा प्रमुख, एनआईटीटीटीआर चण्डीगढ, डा. रमेश मित्तल, वरिष्ठ निर्देशक, सीसीएसएनआईएएम, जयपुर, श्रीमती झरना शर्मा, एनएसडीसी, सिक्किम उल्लेखनीय वक्ताहरू समावेश छन्। यी दिग्गजहरूले आफ्ना अनुभवहरू साझा गर्नेछन्l उनीहरूले एफसीपीमा उद्यमशीलता र सीप विकासमा नवीनतम प्रवृत्ति र अभ्यासहरूमा मूल्यवान मार्गदर्शन प्रदान गर्नेछन्।

एनआईटी सिक्किममा उद्यमशीलता विकास केन्द्र र इन्क्युबेशन केन्द्रको स्थापना उत्तर पूर्वी परिषद (एनईसी), शिलोङको प्रायोजनमा भएको थियोl भारत सरकारको सीप विकास तथा उद्यमशीलता मन्त्रालयअन्तर्गत भारतीय उद्यमशीलता संस्थान गुवाहाटीद्वारा लागू गरिएको छ। एडीपीले विभिन्न संस्थाका फ्याकल्टी सदस्यहरूको उद्यमशीलता र सीप विकास क्षमताहरू अभिवृद्धि गर्ने लक्ष्य राखेको छ। यो नवाचार र आत्मनिर्भरता प्रवर्द्धन गर्ने राष्ट्रको दृष्टिकोणसँग पङ्क्तिवद्ध गर्दै विद्यार्थीहरूमाझ उद्यमशील मानसिकता र सीपलाई प्रवर्द्धन दिन शिक्षकहरूलाई सशक्त बनाउन तयार  गरिएको हो। यो कार्यशाला ३१ मई मा समापन हुनेछ। -पीआईबी