ताइवानमा ७.५ म्याग्निच्युडको शक्तिशाली भूकम्प,  २५ वर्ष यताकै शक्तिशाली भूकम्प

तस्वीर सौजन्य: एक्स   

ताइपेई: ताइवानमा ७.५ म्याग्निच्युडको शक्तिशाली भूकम्प गएको छ। यो भूकम्पका कारण जापानका दक्षिणी टापुहरू पनि थर्कियो। भूकम्पका कारण तीन मिटर अग्लो सुनामीको छाल आउने सम्भावना रहेको छ। जापानको मौसम विज्ञान निकाय (जेएमए) ले भूकम्पपछि सुनामीको चेतावनी जारी गरेको छ। स्थानीय समय अनुसार बिहान ९ बजेको समयमा भूकम्प गएको हो। ताइवानमा पनि भूकम्पका कारण ठूलो क्षति भएको छ। भवनहरु भत्किएका छन्। भूकम्पका कारण भत्किएका भवनहरुमा मानिसहरु फसेका छन्। ट्विटरमा जेएमएको आपदा तयारी खाताले एक पोस्टमा प्रभावित क्षेत्रहरूमा मानिसहरूलाई चेतावनी दिएको छ। उनीहरुलाई अर्को स्थिति स्पष्ट नभएसम्म इलाका नछाड्न भनिएको छ। ट्वीटको अनुवाद अनुसार लेखिएको छ, ‘तीन तारिख राति ९ बजेर १ मिनटसम्म सुनामीको चेतावनी जारी गरिएको छ। सुनामी बारम्बार आउँछन्। चेतावनी नहटाएसम्म आफ्नो सुरक्षित स्थान नछोड्नुहोस्। ओकिनावा र मियाजोकिमा र यायामा टापु समूहमा १० फिटसम्मको सुनामीको जोखिम रहेको जेएमएले जनाएको छl’

भूकम्पको केन्द्रविन्दु नजिकै ताइवानको पूर्वी तटमा रहेको हुआलियन सहरमा भएको क्षतिको भिडियो सार्वजनिक भएको छ। एउटा भिडियोमा भवन भत्किएको देखिए पनि ढलेको छैन। झुकेको भवन देखेर मानिसहरु छक्क पर्छन्। अमेरिकी भौगर्भिक सर्वेक्षणका अनुसार भूकम्पको केन्द्रबिन्दु हुआलियन शहरबाट १८ किलोमिटर दक्षिणमा रहेको थियो। अधिकारीहरूका अनुसार ताइवानमा गएको २५ वर्षमा यो सबैभन्दा शक्तिशाली भूकम्प हो। फिलिपिन्सबाट सुनामीको चेतावनी पनि जारी गरिएको छ। चीनको सरकारी सञ्चारमाध्यमले भूकम्पको धक्का दक्षिण पूर्वी फुजियान प्रान्तका केही भागमा पनि महसुस भएको जनाएको छ। ताइवानको सिस्मोलोजिकल सेन्टरका निर्देशक वु चिएन फुले भूकम्प जमिनको नजिक र उथले भएको बताए। यो ताइवान र अपतटीय टापुहरूमा महसुस गरिएको थियो। यो २५ वर्षयताकै शक्तिशाली भूकम्प मानिएको छ। सन् १९९९ सेप्टेम्बरमा ताइवानमा ७.६ म्याग्निच्युडको भूकम्पले २४ सय जनाको ज्यान गयो। ताइवानमा प्रायः भूकम्पको धक्का महसुस गरिन्छ, किनभने यो टापु दुई टेक्टोनिक प्लेटको जंक्शन नजिकै अवस्थित छ।