Darjeeling Prime Time

मुखिया जातिको भाषा संस्कृतिबारे तीन‌ दिवसीय‌ कार्याशाला सम्पन्न गान्तोक: सिक्किमका सुनुवार भाषाको शिक्षा प्रगतिमाथि तीन दिवसीय कार्यशाला आयोजन गरिएको छ। उक्त कार्यशालामा सिक्किम सुनुवार मुखिया कोइँचबुले भाषा शिक्षा निर्देशालय विभागको सह‌कार्यमा सम्पन्न गरेको हो। पहिलो २१ अगस्तदेखि २३ अगस्तसम्म चलेको कार्यशालाको समापन समारोहमा भाषा शाखाको संयुक्त निर्देशाक प्रभाकर बिलाल मुख्य अतिथिको रुपमा उपस्थित थिए। यसै गरि भाषा शाखाकै  उपनिदेशक श्रीमती सुधा राई विशिष्ट अतिथिको रुपमा रहेकी  थिइन् यसैगरि सिक्किम सुनु‌वार मुखिया कोइँचबुका अध्यक्ष डीबी सुनुवारले अतिथिगणलाई स्वागत गरेका थिए। यसै गरि संगठनका महासचिव पुरण मुखियाले प्रशिक्षकहरूलाई स्वागत जनाए। अध्यक्षले स्वागत सम्बोधक राखेका थिए भने पाठ्य पुस्तक प्रभागी एटीबीओ श्रीमती नैनाकला मुखियाले कार्यशालाको सम्पूर्ण जमकरी प्रस्तुत गरिन्। कार्यशालाबारे भारती मुखियाले आफ्लो अनुभव साझा गरिन्। कार्यशालामा सहभागीहरूलाई अतिथिहरूको हातबाट प्रमाणपत्र वितरण गरियो। कार्यशालाको   मुख्य आकर्षण मुखिया भाषामा बनाइएको बाल गीतको प्रस्तुती रहेको थियो। ...

 नाट्य संस्था जागृति परिवारको नयाँ समिति गठन खरसाङ: भारतीय नेपाली नाटकको क्षेत्रमा एउटा अग्रणी संस्था खरसाङको जागृति परिवारको नयाँ कार्यकारिणी समिति गठन गरिएको छl शनिबार (२४ अगस्त) गोर्खा जन पुस्तकालयमा जागृति परिवारको साधारण सभा संस्थाका संस्थापक तथा सुपरिचित नाटककार पूर्ण गुरुङ ‘निरुपम’को अध्यक्षतामा सम्पन्न भएको थियोl सभामा पुरानो समिति भंग गरेर नयाँ कार्यकारिणी समिति गठन गरियोl नयाँ कार्यकारिणी समितिका कार्यकारी सदस्यहरू यस प्रकार छन्: अध्यक्ष लक्ष्मण गुरुङ, उपाध्यक्षद्वय दावा लामा र सञ्जय प्रधान, मूल सचिव प्रकाश प्रधान, सह सचिवद्वय रामकुमार प्रधान र  प्रणाम प्रधान, कोषाध्यक्ष सविता मंग्राती गजमेर, प्रमुख सल्लाहकार पूर्ण गुरुङ ‘निरुपम’ र खेमराज राई अनि १२ जना कार्यकारिणी सदस्यहरू चयन गरिएको छl जसमा रहेका छन्: राजेन्द्र प्रसाद थापा, पूर्बा  तामाङ, पेमा लामा, श्रीमती गोमा सुब्बा, देबु गुरुङ, श्रीमती अरुणा छेत्री, विजय कुमार राई, रमण लमजेल, विमल गुरुङ, सबिना परियार, रचिता छेत्री, अदीप रोकाl सन् १९७३ मा स्थापित भएको जागृति परिवारले आफ्नो स्वर्ण वर्षको कार्यक्रम गत वर्षदे...

एनआईटी सिक्किमद्वारा इन्डक्शन कार्यक्रम २०२४ र राष्ट्रिय अन्तरिक्ष दिवस समारोहको समापन कार्यक्रम सम्पन्न गान्तोक: राष्ट्रिय प्रौद्योगिकी संस्थान (एनआईटी) सिक्किमले २३ अगस्तमा आफ्नो राभाङ्ला परिसरमा राष्ट्रिय अन्तरिक्ष दिवस उत्सवको साथ साथै इन्डक्शन कार्यक्रम २०२४ को समापन समारोह आयोजना गर्यो। यो कार्यक्रम नयाँ विद्यार्थीहरूलाई स्वागत जनाउन र शैक्षिक संस्थाहरूबीचको सम्बन्धलाई बढ़ावा दिन एक महत्त्वपूर्ण कोसेढुङ्गा थियो। यस कार्यक्रममा सिक्किम सरकारका शिक्षा , कानून र खेलकुद तथा युवा मामिलामन्त्री राजु बस्नेतले मुख्य अतिथिको रूपमा उपस्थित भएर कार्यक्रमको शोभा बढाए। कार्यक्रमको अध्यक्षता एनआईटी सिक्किमका निर्देशक प्रो. एम. सी. गोविलले गरेका थिए र यसमा सहभागीहरूलाई प्रेरित तथा उनीहरूलाई आबद्ध गराउनका लागि विभिन्न गतिविधिहरूको शृङ्खला प्रस्तुत गरिएको थियो। सीसीएस युनिभर्सिटी , मेरठका प्रोफेसर सञ्जीव शर्मा र बीएचयुकी प्रोफेसर निधि शर्माले पनि विशेष अतिथिको रूपमा उपस्थित बनेर कार्यक्रमलाई सम्मानित गरे। कार्यक्रममा रजिस्ट्रार , डिन , विभाग प्रमुख , सङ्काय तथा विद्यार्थीहरूको बाक्लो उपस्थिति रहेक...

  सिक्किम सरकारद्वारा सफलतापूर्वक उन्नति २०२४ कार्यशाला तथा जागरूकता कार्यक्रम आयोजना गान्तोक: सिक्किम सरकारको वाणिज्य तथा उद्योग विभागले हालै भारत सरकारको वाणिज्य तथा उद्योग मन्त्रालय अन्तर्गत डीपीआईआईटीद्वारा शुरु गरिएको केन्द्रीय योजना उन्नति २०२४ को कार्यान्वयनलाई शुरु गर्न एक दिवसीय कार्यशाला आयोजन गरेको छ। यस कार्यशाला राज्यभित्र पहलका लागि प्रभावकारी कार्यान्वयन रणनीति सुनिश्चित गर्न जिल्ला उद्योग केन्द्रहरू (डीआईसी) , अग्रणी ब्यांकहरू र चार्टर्ड एकाउन्टेन्टका प्रतिनिधिसहित प्रमुख हितधारकहरूलाई एक साथ ल्याउनका लागि आयोजना गरिएको थियो। कार्यशाला शुरुआत वाणिज्य तथा उद्योग विभागकी अतिरिक्त सचिव तथा निर्देशक सुश्री छोडेन ग्याछोद्वारा गरिएको औपचारिक स्वागत मन्तव्यबाट भएको थियो। ग्रान्ट थर्नटनबाट राज्य नामित कार्यक्रम कार्यान्वयन एकाइ (पीआईयु)द्वारा योजनाको दिशानिर्देश र प्रक्रियामाथि एक पावर पोइन्ट प्रस्तुति सम्भावित लाभ र रणनीतिक भागिदारहरूमाथि प्रकाश पारिन्छ। वाणिज्य तथा उद्योग विभागका सचिवश्री कर्मा बोनपो , आईएएसले जागरूकता फैलाउन र पदाधिकारी , ब्याङ्करहरूलाई संवेदनशील बनाउन...

पहिलो राष्ट्रिय अन्तरिक्ष दिवस समारोहमा राष्ट्रपति सहभागी बनिन् नयाँ दिल्ली: राष्ट्रपति द्रौपदी मुर्मुले आज (२३ अगस्त) नयाँ दिल्लीको भारत मण्डपममा पहिलो राष्ट्रिय अन्तरिक्ष दिवस समारोहमा भाग लिइन्। चन्द्रमाको सतहमा ' विक्रम ' ल्यान्डरको सफल अवतरणको सम्झनामा २३ अगस्त २०२३ मा राष्ट्रिय अन्तरिक्ष दिवस मनाइँदैछ। यस अवसरमा राष्ट्रपतिले ‘ रोबोटिक्स च्यालेन्ज ’ र ‘ इन्डियन स्पेस ह्याकाथन ’ का विजेताहरुलाई पुरस्कार प्रदान गरिन्। यस अवसरमा बोल्दै राष्ट्रपतिले भनिन्, ‘इसरोको शुरुवाती दिनदेखि नै अद्भुत यात्रा भएको छ। इसरोले अन्तरिक्ष क्षेत्रमा उल्लेखनीय उपलब्धि हासिल गरेको छ। यसका साथसाथै इसरो ले देशको सामाजिक र आर्थिक विकासमा पनि अमूल्य योगदान दिएको छ।‘ उनले समर्पित वैज्ञानिकहरूको प्रशंसा गरिन्, जसले न्यूनतम स्रोतहरू प्रयोग गरेर भारतको अन्तरिक्ष कार्यक्रमलाई विश्वको उत्कृष्ट मध्येमा बनाएका छन्। राष्ट्रपतिले अन्तरिक्ष विज्ञानमा देशले निरन्तर प्रगति गर्ने र उत्कृष्टताका नयाँ कीर्तिमान कायम गर्ने विश्वास व्यक्त गरिन्। राष्ट्रपतिले भारतको अन्तरिक्ष क्षेत्रको प्रगति असाधारण रहेको बताइन्। उनले...

‘ एक्टर: टेक वान ’ को फर्स्ट लुकमा प्रदीपका पाँच लुक्स काठमाडौं: फिल्म ‘ एक्टर: टेक वान ’ को फर्स्ट लुक पोस्टर सार्वजनिक भएको छ। पोस्टरमा फिल्मका मुख्य कलाकार प्रदीप खड्का फिचर्ड छन्। पोस्टरमा प्रदीपका पाँच तस्वीर छन्। घाइते तस्वीर , नेपाली पोसाकमा रहेको तस्वीर , पाइलटको पोशाकमा रहेको तस्वीर , लामो कपालमा क्याजुल पोशाकमा रहेको तस्वीर र हल्का जाडोमा स्वेटर लगाएका पाँच लुकमा प्रदीप फिचर्ड छन्। यी मध्ये टाउका र अनुहारभरी चोट लागेको तस्वीरले पोस्टरमा प्राथमिकता पाएको छ। जसमा उनको टाउकोमा ब्यान्डेज बाँधेको छ। हातमा प्लास्टर छ। जुन हात उनले काँधमा झुण्डाएका छन्। उभिनलाई बैशाखीको सहारा लिएका छन्। उसले उनी ठूलै दुर्घटना वा कुनै आक्रमणमा परेको संकेत गर्छ। यी मध्ये कुन लुकको क्यारेक्टरले फिल्ममा प्राथमिकता पाएको छ , त्यो भने प्रष्ट छैन। कात्तिक ३१ अक्टोबरमा   रिलिज हुने फिल्ममा प्रदीपसँगै डेव्यु अभिनेत्री दिव्या रायमाझी मुख्य भूमिकामा छन्। राजन भुसालको निर्देशन रहेको फिल्ममा आना शर्मा , राजवल्लभ कोइराला , दिव्य देव , सुशील सिटौला उषा रजक , सिर्जना अधिकारी , अनुज पाण्डे , बादल भट्ट , प्रदीप...

राङ्कामा ३३औं नेपाली भाषा मान्यता दिवस पालन युवा कवि जीवन कुमार छेत्रीको जेठो कविता कृति “ नेफा ” लोकार्पण गान्तोक: अभियान साहित्य समिति राङ्का पूर्व सिक्किम र राङ्का पब्लिक स्कुलको संयुक्त आयोजनमा ३३औं नेपाली भाषा मान्यता दिवस भव्यताको साथमा पालन गरियो। विशेष रूपमा स्थानीय युवा र बाल बालिकालाई साहित्य भाषामा प्रोत्साहित गर्ने ध्येयको साथ आयोजित सभ्य कार्यक्रमलाई स्थानीय समाजसेवी कपिलमणि पाण्डेले अध्यक्षता गरेका थिए। मुख्य अतिथिको रूपमा वरिष्ठ साहित्यकार श्रीमती सुधा एम राई तथा विशिष्ठ अतिथिमा साहित्यकार प्रवीण खालिङको उपस्थिति रहेको थियो।  कार्यक्रमको मुख्य आकर्षणको रूपमा युवा कवि जीवन कुमार छेत्रीको पहिलो कविता कृति “ नेफा ” को लोकार्पण गरियो। अध्यक्ष , मुख्य अतिथि , विशिष्ठ अतिथि तथा स्थानीय गन्यमान्य व्यक्तित्वको बाहुलीबाट कविताकृति नेफा लोकार्पण गरियो। कार्यक्रममा पुस्तकबारे  पुण्य प्रसाद शर्माले मन्तव्य राखेका थिए भने कवि जीवनकुमार छेत्रीले नेफाको गर्भकथा बताउँदै सम्झनामा रख्नुपर्ने सहयोगीहरूलाई आभार प्रकट गरे। कार्यक्रमलाई सम्बोधन गर्दै मुख्य अतिथि सुधा एम राईले विशेष...